Таэквондо WTF. «Korea Open»да яна бир олтин!

Унда ўзбекистонлик спортчилар муваффақиятли иштирок этишмоқда. Қувонарлиси, бугунги баҳсларда ҳам спортчиларимиздан бири олтин медаль қўлга киритди.

Ўсмирлар ўртасидаги беллашувларда -63кг вазн тоифасида юртимиз шарафини ҳимоя қилган Жасур Жайсунов мусобақа давомида Гонконг (34:0), Индонезия (20:6), Жанубий Корея (54:8) ва Таиланд (27:10) терма жамоалари спортчиларини мағлуб этди ва олтин медаль соҳибига айланди.

Маълумот учун, бунгача юртдошларимиздан Динорахон Мамадибрагимова (бронза), Амирбек Тўраев (бронза), Мадина Маннопова (бронза), Жаҳонгир Худойбердиев (кумуш) ва Улуғбек Рашитов (олтин)  терма жамоамиз ҳисобига медаль қўшиб қўйган эдилар.

Беллашувлар 24 июлга қадар давом этади.