01 май 10:18
Янгиликлар
Таэквондо
Таэквондо WTF. «Олимпия келажаги»да Тошкент шаҳри жамоаси финалга йўл олди
Гулистон шаҳрида Ўзбекистон Миллий олимпия қўмитаси ташаббуси билан ташкил этилган «Олимпия келажаги» мусобақаларининг «B» гуруҳида ҳудудий босқич беллашувлари якунланди.
Унда 1-ўринни Тошкент шаҳри вакиллари қўлга киритган бўлса, 2-ўрин жиззахлик таэквондо усталарига насиб этди. 3-ўринларни Сирдарё ва Самарқанд вилоятлари спортчилари эгаллашди.
Эслатиб ўтамиз, 21-22 апрель кунлари Фарғона шаҳрида «A» гуруҳи беллашувлари ўтказилиб, унда мезбонлар республика босқичида иштирок этиш ҳуқуқини қўлга киритган эди.
Демак, сентябрь ойида бўлиб ўтадиган финал босқичда иштирок этадиган икки терма жамоа номи маълум бўлди. Улар Фарғона вилояти ва Тошкент шаҳри жамоаларидир. Яна икки терма жамоа номи май ойида ўтказиладиган ҳудудий мусобақалардан сўнг маълум бўлади.
Ҳавола :
Манба : olympic.uz
Фикрлар