Таэквондо. Янги муҳташам мажмуада илк мусобақа ўтказиляпти

Кеча ушбу муҳташам спорт аренасида ўтказилган илк турнирнинг очилиш маросимида Маданият ва спорт ишлари вазирлиги, Миллий Олимпия қўмитаси, Ўзбекистон Паралимпия ассоциацияси, Шарқ яккакурашлари ва жанг санъатини ривожлантириш республика маркази, спорт федерациялари раҳбарлари билан бир қаторда Жанубий Кореянинг Ўзбекистондаги фавқулодда ва мухтор элчиси Квон Ён У, Корея Республикасининг мамлакатимиздаги корхоналари вакиллари ҳам иштирок этишди.

Дастлаб майдон марказига Қорақалпоғистон Республикаси, вилоятлар ва Тошкент шаҳридан жам бўлган 300 нафарга яқин спортчи чиқиб келишди. Ўсмирлар ўртасидаги ўтаётган мазкур турнирда ўғил-қизлар 10тадан вазн тоифасида куч синашиш учун йиғилганини айтиб ўтиш лозим.

Дастлабки куни 8 вазн тоифасида ғолиб ва совриндорлар номи аниқланди. Унга кўра, ўсмирлар баҳсида пойтахт ёшларидан ташқари, Тошкент, Фарғона, Самарқанд вилоятлари ва Қорақалпоғистон Республикаси вакиллари пешқадамлик қилган бўлишса, қизлар баҳсида Тошкент, Наманган, Фарғона, Сирдарё вилояти спортчилари шоҳсупадан ўрин эгаллашди.

Ўғил болалар

45 кг

1. Дониёр Йўлдошев (Тошкент вилояти)

2. Шердор Арслонов (Тошкент вилояти)

3. Улуғбек Рашитов (Тошкент)

3. Фозилбек Соатбоев (Қорақалпоғистон)

48 кг

1. Шаҳзод Сайфиев (Тошкент)

2. Баҳодир Мирзабоев (Фарғона)

3. Абдулбосит Маматхонов (Андижон)

3. Исмоил Қурбонов (Самарқанд)

51 кг

1. Камолиддин Раҳматалиев (Фарғона)

2. Шоҳрух Турсунбоев (Тошкент)

3. Беҳзод Абдураҳмонов (Тошкент вилояти)

3. Равшан Икромов (Тошкент)

73 кг

1. Ислом Йўлдошев (Қорақалпоғистон)

2. Абдулазиз Маҳмудов (Наманган)

3. Аббос Қўшбоқов (Жиззах)

3. Достонжон Чилмуҳаммедов (Жиззах)

78 кг

1. Эркин Абдуллаев (Тошкент)

2. Хуршид Олимжонов (Тошкент)

3. Рамил Сейдаметов (Қорақалпоғистон)

3. Бобур Ўролов (Андижон)

Қизлар

42 кг

1. Динора Мухторова (Тошкент вилояти)

2. Интизор Абдулалимова (Наманган)

3. Гулгина Бектошева (Фарғона)

3. Жасмина Мамаюсупова (Тошкент вилояти)

46 кг

1. Фарида Бердиева (Тошкент)

2. Севинч Муҳаммаджонова (Наманган)

3. Мухлиса Жуманова (Тошкент вилояти)

3. Зулайҳо Юсупова (Жиззах)

68 кг

1. Муҳайё Сирожиддинова (Сирдарё)

2. Висола Ҳосилова (Тошкент вилояти)

3. Мўътабар Номозова (Тошкент вилояти)

3. Севара Умматқулова (Сирдарё)

Республика турнирининг биринчи куни ғолиб ва совриндорларига Корея Республикаси элчисининг махсус совринлари, тегишли даражадаги сертификатлар, ғолибга “Samsung” телефонлари, совриндорларга таэквондочилар либоси – табок топширилди. Баҳслар бугун ўз якунига етади.