13 апр 18:26
Янгиликлар

Таэквондо

Таэквондо. Ёсинбек Одилов - Жаҳон чемпиони!

Тошкент шаҳрида таэквондо бўйича ёшлар ўртасидаги Жаҳон чемпионати давом этмоқда.

Ўзбекистон ёшлар терма жамоаси Тошкент-2026 Жаҳон чемпионатида иккинчи медалини қўлга киритди. -48 кг вазн тоифасидаги вакилимиз Ёсинбек Одилов мусобақада фахрли биринчи ўринни эгаллади.

Ёсинбек финал баҳсида Ўмон вакили Довуд Ал-Юсуфи билан баҳс олиб борди. Қувонарлиси, мазкур қарама-қаршиликда ҳамюртимизнинг қўли баланд келди - 2:0.

Ёсинбек Жаҳон чемпионатидаги энг яхши натижани қайд этиб, олтин медалини қўлга киритди. Ҳозирда ҳисобимиздаги медаллар сони 2 тани ташкил этмоқда: 1 та олтин ва 1 та кумуш.