08 авг 16:26
Янгиликлар

Таэквондо

Таэквондочи Муҳаммадамин Алиев: ЖЧ совриндори бўлганимдан жуда хурсандман

Ёш таэквондочимиз Муҳаммадамин Алиев кадетлар ўртасидаги жаҳон чемпионатида бронза медали соҳибига айланди.

Ушбу муваффақиятдан сўнг Муҳаммадамин ўз таассуротлари билан ўртоқлашди.

"Таэквондо билан 4 ёшимдан буён шуғулланаман. Спортнинг ушбу турига ота-онам туғилган куним муносабати билан олиб боришган. Машғулотлардан сўнг таэквондога қизиқишим янада ортган.

Бунгача шу йил февраль ойида "Фужайра Опен" халқаро турнирида иштирок этиб, олтин медални қўлга киритгандим. Бугун жаҳон чемпионатида совриндор бўлганимдан жудаям хурсандман. Олтин медаль қўлга кирита олмаганим учун узр сўрайман", - деди Муҳаммадамин Алиев.

Жаҳонгир Файзуллаев ёзиб олди