11 сен 10:50
Янгиликлар

Таэквондо

Таэквондочиларимиз Қозоғистондаги рейтинг мусобақасида муваффақиятли иштирок этишди

Теглар : Таэквондо

7-9 сентябрь кунлари Қозоғистоннинг Атирау шаҳрида таэквондо WTF бўйича Қозоғистон I Очиқ чемпионати рейтинг мусобақаси бўлиб ўтди.

Таэквондочиларимиз Қозоғистондаги рейтинг мусобақасида муваффақиятли иштирок этишди

Баҳсларда 15 мамлакатдан 376 нафар спортчи совринли ўринлар учун кураш олиб боришди. Терма жамоамиз аъзолари беллашувларда муваффақиятли иштирок этишди ва 4та олтин, 2та кумуш ва 1та бронза медалларини қўлга киритишди.

Ҳамюртларимиз орасида қуйидаги спортчилар совриндор бўлишди:

Олтин медаль:

Чарос Қаюмова
Мадинабону Маннопова
Шоҳрух Ражабов
Аброр Тўраев

Кумуш медаль:

Шуҳрат Салаев
Шаҳбоз Дўсматов

Бронза медаль:

Темур Уралов

Ушбу мусобақа орқали спортчиларимиз Токиодаги Олимпия ўйинларига рейтинг очколари йиғишни бошлашди. Икки йил давомида шу каби рейтинг мусобақалар ёрдамида таэквондочиларимиз қимматли очколарни тўплаб боришади ва якунда энг яхши рейтинг кўрсаткичларига эга бўлган спортчилар 2020 йилги Олимпия ўйинларига лицензияни қўлга киритишади.