Таэквондочиларимиз халқаро турнирда медалларга эга чиқишди

Ўсмирлар ўртасидаги баҳсларда Фотима ва Зухра Тожиматовалар олтин медалларни қўлга киритган бўлса, Сулаймон Мўминов ҳамда Баҳодир Мирзабоевлар кумуш медалига муносиб кўрилди.

Катталар ўртасидаги беллашувларда эса Диёрбек Ҳайитбоев, Фарҳод Одилов ҳамда Ўғилхон Юсуфалиевлар мос равишда олтин, кумуш ва бронза медаллари билан тақдирланди.

Мақсаджон Мамажонов бош мураббийлигидаги спортчиларимиз делегацияси Фарғона халқаро аеропортида тантанали равишда кутиб олинди. 

Ушбу турнир якунларига кўра, Ўзбекистон терма жамоаси аъзолари қўшни Тожикистон, Қирғизистон, шунингдек, Украина, Белорус ҳамда мезбон давлат иштирокчилари орасида 100 фоизлик натижа кўрсатишди.

Таъкидлаш жоизки, 600 нафардан ортиқ таэквондочилар иштирок этган мазкур мусобақа спортчиларимиз учун Иордания давлатида бўлиб ўтадиган Осиё чемпионати олдидан тайёргарлик вазифасини ўтайди.