Таэквондочимиздан "Korea Open"даги навбатдаги медаль

Мусобақанинг бугуни кунида яна бир спортчимиз совриндорлар қаторидан жой олишга муваффақ бўлди.

-68кг вазн тоифасида юртимиз шарафини ҳимоя қилган Абдулазиз Ҳамидуллаев илк жангида Жанубий Корея (19:10), кейин Австралия терма жамоаси аъзосини (27:12) мағлубиятга учратди. Ярим финалда эса тайландлик рақибга 10:14 ҳисобида имкониятни бой бериб қўйди ва бронза медали билан кифояланди.

Маълумот учун, бунгача Динорахон Мамадибрагимова (бронза), Амирбек Тўраев (бронза), Мадина Маннопова (бронза), Жаҳонгир Худойбердиев (кумуш) , Улуғбек Рашитов (олтин) ва Жасур Жайсунов (олтин) терма жамоамиз ҳисобига медаль қўшиб қўйган эдилар.

Беллашувлар 24 июлга қадар давом этади.