30 июн 12:34
Янгиликлар

Футбол

"Танқидларга тупурганман". Нидерландия мураббийи Куман ЖЧдан чиқиб кетганига кескин муносабат билдирди

Нидерландия терма жамоаси бош мураббийи Рональд Куман 2026 йилги жаҳон чемпионатидан чиқиб кетганидан сўнг, жамоа шаънига айтилаётган танқидлар ҳақида фикр билдирди.

Ўйиндан сўнг Куман жамоанинг тактик қарорлари атрофидаги муҳокамаларга тўхталиб ўтди ва ташқаридан бўлаётган танқидларга муносабат билдириш нияти йўқлигини таъкидлади.

"Бутун Нидерландия бешта ҳимоячи билан ўйнашимиз кераклигини айтаётган эди. Биз ҳимояда бешлик билан ўйнадик — барибир бизни танқид қилишди. Яна бир бор такрорлайман: мен танқидларга тупурганман", — деди Куман флеш-интервьюда.

Нидерландия асосий ва қўшимча вақтлардаги 1:1 ҳисобидаги дурангдан сўнг пенальтилар сериясида Марокашга имкониятни бой бериб (3:4), мусобақадаги иштирокини 1/16 финал босқичида якунлади.