25 сен 09:34
Янгиликлар

Теннис

Tashkent Open. Бугун Нигина Абдураимова кортга чиқади

Пойтахтимиздаги Республика олимпия захиралари теннис кортларида WTA таснифига кирувчи нуфузли турнир давом этмоқда.

Соврин жамғармаси 250 000 АҚШ долларини ташкил қилувчи ушбу мусобақада дунёнинг кўзга кўринган ракетка усталари иштирок этяпти. Бугун яккалик баҳсларида иштирок этаётган иккинчи вакиламиз Нигина Абдураимова биринчи давра учрашувида кортга чиқади.

Мамлакатимизнинг иккинчи ракеткаси асосий тўрга имтиёзли йўлланма асосида қўйилган. Нигинанинг рақибаси германиялик Мона Бартель бўлади. Абдураимова дунё рейтингида 398, Бартель эса 94-ўринни эгаллаб турибди. Ушбу баҳснинг соат 13:00да бошланиши белгилаб қўйилган. Теннисчилар шу кунгача ўзаро тўқнаш келишмаган.