Tashkent Open. Бугун саралаш бошланади, Оқгул ва Ясминага мухлислик қиламиз

Соврин жамғармаси 250 000 АҚШ долларини ташкил қилувчи ушбу мусобақага Республика олимпия захиралари теннис мактаби кортлари мезбонлик қилади. Турнирда йигирмадан ортиқ давлатдан кўзга кўринган теннис маликалари иштирок этади. 

Ғолиблик учун даъвогарлар орасида франциялик Полин Пармантье (рейтингда 71-ўрин), руминиялик Ирина-Камелия Бегу (55), япониялик Нао Хибина, россияликлар Маргарита Гаспарян (62), Евгения Родина (79), Анна Блинкова (101), Наталья Вихлянцева (104), Виталия Дьяченко (108), Вера Звонарёва (132) каби таниқли теннисчилар бор.

Асосий тўр баҳсларида ҳамюртларимиздан Сабина Шарипова (126) ва Нигина Абдураимова (300) юртимиз спорт шарафини ҳимоя қилади. Тажрибали Оқгул Омонмуродова ва истеъдодли Ясмина Каримжонова эса бугун старт оладиган саралаш тунирида ўз имкониятларини синаб кўришади. 

Қуръа натижасига кўра, Омонмуродова бугун саралашнинг ярим финалида голландиялик Бибиана Схофсга қарши кортга чиқади. Оқгул WTA рейтингида 628, Бибиана эса 184-ўринни эгаллаб турибди. Рейтингда 1236-поғонадан жой олган Ясмина эса 133-ракетка россиялик Анастасия Потапова билан тўқнаш келади.