26 сен 12:42
Янгиликлар

Теннис

Tashkent Open. Гаспарян суперкамбэкни амалга оширди

WTA таснифига кирувчи Tashkent Open мусобақаси секин-аста ўзининг қизғин палласига кириб боряпти.

Мукофот жамғармаси 250 000 АҚШ долларини ташкил қилувчи ушбу мусобақанинг яккалик баҳсларида ҳозиргина яна бир муросасиз учрашув якунига етди. Унда россиялик Маргарита Гаспарян турнирнинг бешинчи ракеткаси германиялик Татьяна Марияни мағлуб этди.

Икки соату 10 дақиқа давом этган баҳс якунида Гаспарян дунёнинг 77-ракеткасини 6:2, 3:6, 7:6(2) ҳисобида мағлуб этди. Қизиқ томони шундаки, Маргарита учинчи ҳал қилувчи сетда 0:4 ҳисобида мағлуб бўла туриб, якунда тай-брекда ғалабани илиб кетди ва суперкамбэкни амалга оширди. Гаспарян биринчи босқичда ҳамюртимиз Сабина Шариповадан устун келганди.