15 ноя 18:51
Янгиликлар
Хоккей
"Tashkent Select" ўз уйида "Астана" билан ҳисоб-китоб қилди
Бугун хоккей бўйича Қозоғистон ёшлар чемпионати давом эттирилди.
Тур доирасида "Tashkent Select" жамоаси Қозоғистоннинг "Астана" ёшларини қабул қилди. "Ҳумо Арена"нинг кичик мажмуасида ташкил этилган ўйинда астаналиклар йирик 9:5 ҳисобида зафар қучишди.
Тошкентликлар сафида Илья Попов, Альберт Дадахўжаев, Абдуқаюм Абдувосиқов, Азиз Муҳаммедбаев ва Илсур Умеров голларга муаллифлик қилишди. Эртага соат 13:00 да жамоалар ўртасидаги иккинчи ўйин ташкил этилади.
Маълумот учун, "Tashkent Select" айни дамда 6 очко билан турнир жадвалида 12, "Астана" эса 17 очко билан 9-ўринни эгаллаб турибди.
Ҳавола :
Манба : olamsport.com
Фикрлар