19 янв 09:30
Янгиликлар

Шахмат

Tata Steel Chess-2023. Жавоҳир Синдаровда ғалаба

Нидерландиянинг Вейк-ан-Зее шаҳрида шахмат бўйича нуфузли турнир ўтказилмоқда.

Хабарингиз бор, Tata Steel Chess-2023 мусобақасида шахматчиларимиз Нодирбек Абдусатторов ва Жавоҳир Синдаров юртимиз шарафини ҳимоя қилишяпти. Нодирбек "Мастерс", Жавоҳир эса "Челленжер" гуруҳида ўз маҳоратини намойиш этмоқда.

Кеча "Мастерс", яъни кучлилар гуруҳида дам олиш куни эди. "Челленжер" гуруҳида эса 5-тур учрашувлари ўтказилди ва қувонарлиси, Жавоҳир Синдаров словакиялик гроссмейстер Жергус Печакни мағлубиятга учратди.

Ушбу муҳим ғалабадан сўнг ҳамюртимиз 5 имкониятдан 3,5 очко жамғариб, турнир жадвалида 2-ўринга кўтарилиб олди. Туркиялик Мустафо Йилмаз 4 очко билан пешқадамлик қиляпти. Бугун "Челленжер" гуруҳида дам олиш куни. Эртага Синдаров 6-турда қора доналарда бразилиялик Луис Супига қарши дона суради.