Tata Steel Chess-2023. Нодирбек дурангчи Аржунга, Жавоҳир эса Элин хонимга қарши ўйнайди

Tata Steel Chess-2023 мусобақасида шахматчиларимиз Нодирбек Абдусатторов ва Жавоҳир Синдаров ҳам муваффақиятли дона суришяпти. Нодирбек "Мастерс", Жавоҳир эса "Челленжер" гуруҳида ўз маҳоратини намойиш этмоқда. 

Бироздан сўнг 7-тур учрашувлари старт олади. "Мастерс", яъни кучлилар гуруҳида пешқадамлик қилаётган Нодирбек бугун қора доналарда Аржун Эригайсига қарши баҳс олиб боради. Ҳиндистонлик шахматчи ўтказилган 6 та партиянинг барчасида рақиблари билан дуранг натижа қайд этган. Абдусатторов эса 3 ғалаба ва 3 дуранг билан турнир жадвалида пешқадамликни давом эттирмоқда. 18 ёшли Нодирбекда 4,5 очко бўлса, Аржун 3 очко билан 8-поғонада боряпти.  

"Мастерс". 7-тур

Аржун Эригайси (Ҳиндистон, 2722) - Нодирбек Абдусатторов (Ўзбекистон, 2713)

Доммаражу Гукеш (Ҳиндистон, 2725) - Уэсли Со    (АҚШ, 2760)

Пархам Магсудлу (Эрон, 2719) - Фабиано Каруана (АҚШ, 2766)

Магнус Карлсен (Норвегия, 2859) - Рихард Раппорт (Руминия, 2740)

Рамешбабу Прагнанандха (Ҳиндистон, 2684) - Йорден ван Форест (Нидерландия, 2681)

Левон Аронян (АҚШ, 2735) - Аниш Гири (Нидерландия, 2764)

Винсент Каймер (Германия, 2696) - Дин Лижэнь (Хитой, 2811)

Бугун "Челленжер" гуруҳида ҳам 7-тур учрашувлари ўтказилади. Жавоҳир Синдаров (2654) бу турда нидерландиялик 17 ёшли Элин Роберс (2361)га қарши оқ доналарда ўйнайди. Ҳамюртимиз 6 имкониятдан 4 очко жамғариб, турнир жадвалида қўшимча кўрсаткичларга кўра 4-ўринни эгаллаб турибди. Пешқадам Мустафо Йилмаз (Туркия, 2609) ҳисобида 4,5 очко бор.