01 ноя 17:04
Янгиликлар

Бокс/ММА

Тайсон Фьюри: Дана Уайт, менга қўнғироқ қил!

Супероғир вазнда собиқ жаҳон чемпиони Тайсон Фьюри яна бир бор ўзини ММАда синаб кўриш истаги борлигини тасдиқлади.

Британиялик боксчи кеча оқшом Саудия Арабистони пойтахти Ар-Риёд шаҳрида ўтказилган рестлинг оқшомида ғалаба қозониб, шов-шувга сабабчи бўлган эди.

"Мен Конор Макгрегор билан гаплашиб олдим ва биз рок-н-роллга тайёрмиз, - деди Тайсон iFL TV каналига берган интервьюсида. - Шунингдек, бугун мен собиқ UFC чемпиони Фрэнк Мирдан хабар олдим. Фрэнк мен билан ишлаш унга қизиқарли бўлишини айтди. Шуларни инобатга олган ҳолда айтишим мумкин-ки, биз ММАда ҳам ном қозона оламиз. Дана Уайт, менга қўнғироқ қил!".