31 мар 14:16
Янгиликлар

Дзюдо

Тбилиси Гран-Приси. Бугун 3 дзюдочимиз татамига чиқади

Шу кунларда Грузия пойтахти Тбилиси шаҳрида дзюдо бўйича Гран-При туркумига кирувчи нуфузли турнир бўлиб ўтмоқда.

Соврин жамғармаси 100 000 АҚШ долларини ташкил қилувчи мусобақанинг бугун сўнгги учинчи кунги баҳслари ўтказилади. Бугун Ўзбекистон терма жамоасининг 3 нафар дзюдочиси Тбилиси Гран-Приси медаллари ҳамда Токио-2020 Олимпиадасининг муҳим рейтинг очколари учун татамига чиқади.

-90 кг вазн тоифасида бир йўла икки вакилимиз - Яҳё Имомов ва Давлат Бобонов юртимиз шарафини ҳимоя қилади. Имомов илк даврада қозоғистонлик Серик Салменовга, Бобонов эса грузиялик Ушанги Маргианига қарши баҳс олиб боради.

-100 кг вазн тоифасидаги полвонимиз Муҳаммадкарим Хуррамов ҳам биринчи даврадан баҳсларга киришади. Унинг биринчи босқичдаги рақиби ҳиндистонлик Автар Сингх бўлади.