Тбилиси Гран-Приси. Уччала дзюдочимиз ҳам ғалаба билан бошлади

Соврин жамғармаси 100 000 АҚШ долларини ташкил қилувчи мусобақанинг бугун сўнгги учинчи кунги баҳслари ўтказилади. Ўзбекистон терма жамоасининг 3 нафар дзюдочиси Тбилиси Гран-Приси медаллари ҳамда Токио-2020 Олимпиадасининг муҳим рейтинг очколари учун татамига чиқмоқда. 

Қувонарлиси, уччала юртдошимиз ҳам ўз иштирокларини ғалаба билан бошлашди. -90 кг вазн тоифасида бир йўла икки вакилимиз - Яҳё Имомов ва Давлат Бобонов юртимиз шарафини ҳимоя қилмоқда. Имомов илк даврада қозоғистонлик Серик Салменовни, Бобонов эса грузиялик Ушанги Маргианини мағлубиятга учратди. 

-100 кг вазн тоифасидаги полвонимиз Муҳаммадкарим Хуррамов ҳам биринчи даврадан баҳсларга киришди. У биринчи босқичда ҳиндистонлик Автар Сингхдан устун келди. 

Дзюдочиларимизнинг 2-даврадаги рақиблари:

-90 кг вазн тоифаси

Яҳё Имомов - Алтанбагана Гантугла (Мўғулистон)

Давлат Бобонов - Пётр Кучера (Польша)

-100 кг вазн тоифаси

Муҳаммадкарим Хуррамов - Хангал Одбаатар (Мўғулистон)