25 янв 14:02
Янгиликлар

Дзюдо

Тель-Авив Гран-приси. Кучли бешликка кирган Матниязова 252 очкога бойиди

Исроилнинг Тель-Авив шаҳри мезбонлик қилаётган Гран-при туркумига кирувчи нуфузли турнирнинг иккинчи кунги баҳслари якунига етиб бормоқда.

Хабар берганимиздек, бугун тўрт нафар дзюдочимиз мусобақа медаллари ҳамда Олимпиада йўлидаги муҳим ҳисобланган қимматли рейтинг очколари учун баҳсларда иштирок этди. Улар орасидан энг яхши натижани Гулноза Матниязова қайд этди.

-70 кг вазн тоифасида юртимиз шарафини ҳимоя қилган вакиламиз 5-ўрин ҳамда қимматли 252 очкони қўлга киритди. Матниязова ўтиш беллашувида ирландиялик Меган Флетчерни мағлуб этди. Аммо, бронза медали учун кечган учрашувда испаниялик рақибасига имкониятни бой бериб қўйди.