Тел-Авив "Катта Дубулға" турнирига йўл олувчи таркиб тасдиқланди

17-19 феврал кунлари Тел-Авив шаҳрида "Катта Дубулға" туркумига кирувчи, умумий мукофот жамғармаси 154 000 АҚШ долларини ташкил этувчи турнир бўлиб ўтади. Ушбу мусобақада дунёнинг 4 қитъаси 34 давлатидан жами 322 (178 эркак, 144 аёл) нафар дзюдочи татамига чиқади. Улар қаторида Ўзбекистон терма жамоаси ҳам мусобақа медаллари ҳамда муҳим рейтинг очколари учун баҳс олиб боради. 

Терма жамоа таркиби:

-52 кг: Диёра Келдиёрова

-70 кг: Шохиста Назарова 

-60 кг: Мирзоҳид Муҳаммаджонов 

-66 кг: Бобур Ваджиев 

-73 кг: Обидхон Номонов 

-81 кг: Ма`руф Хидиров

-90 кг: Шермуҳаммад Жандреев 

-90 кг: Жалолиддин Қурбонмуродов

-100 кг: Отабек Тўрабоев

+100 кг: Бекмурод Олтибоев

Бугун терма жамоамиз Тел-Авив шаҳрига жўнаб кетади. Эртага эса турнирга қуръа ташлаш маросими ўтказилади.