24 апр 17:26
Янгиликлар
Теннис
Теннисчига интизомий чора кўрилди: у хулқи сабаб Олимпиадага боролмайди
Франциялик теннисчи Бенуа Пэр ўз мамлакати Теннис федерациясининг интизомий жазо чораларига учради, деб хабар бермоқда l'Equipe.
Пэр Франция терма жамоасининг таркибида Токио Олимпиадасига олиб кетилмайди. Бунга Бенуанинг Монте-Карло ва Барселонадаги турнирларда ўзини тутиши сабаб бўлган.
Федерация ахлоқ қўмитаси Пэрнинг ҳаракатларини ўрганиб чиқди ва Олимпиадада у билан ҳамкорлик қилмасликка қарор қилди. Федерация Бенуанинг Монте-Карлодаги хатти-ҳаракати учун узр сўради ва бундай ҳолат такрорланмаслигига ваъда берди, аммо француз Барселонада яна жарималар олди ва ҳакамлар минорасига тупурди.
Ҳавола :
Манба : L’Equipe
Фикрлар