31 авг 18:20
Янгиликлар
Теннис
Теннисчиларимиз Алмати турниридаги иштирокларини якунлашди
Қозоғистоннинг Алмати шаҳрида хотин-қиз теннисчилар ўртасида теннис бўйича нуфузли турнирнинг асосий тўр баҳслари давом этмоқда.
Соврин жамғармаси 25 минг АҚШ долларини ташкил этувчи ушбу Almaty Cup 2016 мусобақасининг асосий тўрида тўрт нафар теннисчимиз иштирок этаётганди. Лекин улардан ҳеч бири чорак финалга етиб кела олмади.
Чорак финал чиптаси учун кортга чиққан вакиламиз Арина Фольц турнирнинг биринчи ракеткаси россиялик Анна Калинскаяга 0:6, 4:6 ҳисобида имкониятни бой берди.
Полина Меренкова эса яна бир россиялик теннисчи Вероника Кудерметовага қарши учрашувни якунига етказа олмади. Биринчи сетда 1:6 ҳисобида ютқазган ҳамюртимиз баҳсни давом эттира олмаслигини маълум қилди.
Маълумот учун, тажрибали теннисчимиз Оқгул Омонмуродова илк босқичда россиялик Анна Блинковага йўлни бўшатиб берганди.
Ҳавола :
Манба : olamsport.com
Фикрлар