TePe Sigeman 2026. Магнус билан дуранг ўйнаган Абдусатторов пешқадамигини сақлаб қолди, аммо

Мусобақада саккиз гроссмейстер бош соврин учун баҳс олиб бормоқда. Улар орасида Нодирбек Абдусатторов ҳамда жаҳон рейтинги етакчиси норвегиялик Магнус Карлсен ҳам бор. Мусобақанинг 3-турида Абдусатторов қора доналарда айнан Магнус Карлсен билан ҳисоб-китоб қилди. Мос равишда 98,8 ва 98,7 фоиз кўринишида аниқлик билан ҳаракат қилган гроссмейстерлар якунда муросага келишди. 

Ушбу дурангдан кейин Нодирбек Абдусатторов 2 очко билан қўшимча кўрсаткичларга кўра пешқадамлигини сақлаб қолди. Аммо унинг таъқибчилари 3-турдан сўнг шахматчимизга етиб олди. Беш нафар иштирокчи ҳисобида 2 очко бор. Ҳиндистонлик Аржун Эрагиси мезбонлар вакили Нилс Гранделиусни, туркиялик ёш иқтидор эгаси Ягиз Каан Эрдогмуш ягона аёл иштирокчи хитойлик гроссмейстер Чжу Цзинерни мағлубиятга учратди. 

Учинчи турдан сўнг Нодирбек Абдусатторов қўшимча кўрсаткичларга кўра ҳамон пешқадам бўлиб турибди. Кечаги ғалабаси эвазига Аржун Эрагиси ҳам очколарини 2 тага етказиб олди. Бугун 4-турда Нодирбек айнан Аржунга қарши оқ доналарда ўйнайди. Магнус Карлсен, Ягиз Каан Эрдогмуш ва Энди Вудвард ҳисобида ҳам 2 очкодан бор.

Тўртинчи тур учрашувлари бугун бизнинг вақт билан соат 18:00`да бошланади.