02 апр 12:16
Янгиликлар

Бокс/ММА

Теренс Кроуфорд қайси боксчи ўзидан буюкроқ эканлигини айтди

Уч вазн тоифасида мағлубиятга учрамаган собиқ мутлақ жаҳон чемпиони америкалик Теренс Кроуфорд шу мазмунда берилган саволга жавоб берди.

Кроуфорд афсонавий ватандоши Муҳаммад Алига ҳурмат бажо келтирди.

"Йўқ, мен тарихдаги энг буюк боксчи эмасман. Мен яқингача ўзимни энг зўри деб ҳисоблардим, аммо тарихдаги энг буюги - Муҳаммад Али!", - дея Кроуфорднинг сўзларини келтиради Boxing News портали.

Эслатиб ўтамиз, ўтган йили Теренс Кроуфорд профессионал боксдаги фаолиятини якунлаганини эълон қилди. У 42-0 рекорди билан мағлубиятсиз боксчи сифатида спортни тарк этди. У учта вазн тоифасида тарихдаги биринчи мутлақ жаҳон чемпионлигига эришган боксчи бўлди.