22 фев 12:12
Янгиликлар

Дзюдо

Терма жамоамиз аъзолари "Меҳрибонлик уйи"га боришди ФОТОГАЛЕРЕЯ

Дзюдо бўйича Ўзбекистон терма жамоаси аъзолари машғулотлар билан бир қаторда хайрли ишларга ҳам қўл уришяпти.

Ўзбекистон дзюдо федерациясининг ташаббуси билан жаҳон чемпионатининг кумуш медали совриндори, терма жамоамизнинг рейтинги энг юқори аъзоси Шарофиддин Лутфуллаев, Бутунжаҳон армия ўйинлари олтин медали соҳиби Ҳикматуллоҳ Тўраев, катталар ва ёшлар ўртасида мамлакат чемпиони Дилшодбек Баратов Сурхондарё вилояти маъмурий маркази ҳисобланган Термиз шаҳридаги 12-сонли “Меҳрибонлик уйи”га ташриф буюришди.

Қувноқ руҳда ўтган учрашув чоғида дзюдочиларимиз спортчилик фаолиятлари, эришган ютуқлари ҳақида болажонларга гапириб беришди. Болалар ўзларини қизиқтирган саволларга жавоб олишди. Учрашув сўнггида терма жамоамиз аъзолари "Меҳрибонлик уйи" тарбияланувчиларига спорт анжомларини совға қилишди. Бу эса ўз ўрнида болажонларнинг қувончига сабаб бўлди.