28 окт 12:15
Янгиликлар

Дзюдо

Терма жамоамиз Жаҳон чемпионатига жўнаб кетди ФОТОРЕПОРТАЖ

Франция пойтахти Париж шаҳри 29 октябрдан 4 ноябргача ҳарбийлар ўртасидаги жаҳон чемпионатига мезбонлик қилади.

Ўз тарихида юбилей 40-маротаба ташкил этилаётган мусобақада Ўзбекистон терма жамоаси ҳам иштирок этади. Таркибдан Токио Олимпиадаси совриндори Давлат Бобонов, олимпия ўйинлари иштирокчилари Ҳикматуллоҳ Тўраев, Бекмурод Олтибоев, Диёра Келдиёрова ва Гулноза Матниязова ҳам бор. Терма жамоамиз делегацияси кеча тунда Париж шаҳрига йўл олди.

Эътиборлиси, шу кунгача -73 кг вазн тоифасида мусобақаларда татамига чиқиб келган Ҳикматуллоҳ Тўраев ўзини янги -81 кг вазнда синаб кўради. Ҳикматуллоҳ икки йил аввал Хитойнинг Ухань шаҳрида ўтказилган Бутунжаҳон армия ўйинларида олтин медални қўлга киритганди. Артём Штурбабин ҳам шоҳсупанинг энг юқори поғонасига кўтарилган эди.

Терма жамоа таркиби:

-60 кг: Дилшод Баратов

-66 кг: Шавкат Саиткулов

-66 кг: Артём Штурбабин

-73 кг: Обидхон Номонов

-81 кг: Ҳикматуллоҳ Тўраев

-90 кг: Давлат Бобонов

-100 кг: Музаффарбек Тўрабоев

+100 кг: Бекмурод Олтибоев

+100 кг: Шоҳруҳ Бахтиёров

-52 кг: Диёра Келдиёрова

-57 кг: Шукуржон Аминова