30 апр 11:22
Янгиликлар

Шахмат

Терма жамоамиз жамаовий рапид ва блиц Жаҳон чемпионатида қатнашади. Таркибда Синдаров ва Абдусатторов ҳам бор!

Теглар : FIDE World Team Rapid & Blitz Chess Championships

16-22 июнь кунлари Гонгконгда шахмат бўйича FIDE World Team Rapid & Blitz Chess Championships турнири бўлиб ўтади.

Ушбу мусобақа 2023 йилдан буён ўтказилиб келинмоқда ҳамда жамоавий форматдаги энг нуфузли шахмат турнирларидан бири ҳисобланади.

Мусобақада дунёнинг етакчи гроссмейстерлари ўз жамоалари сафида иштирок этади. Улар орасида жаҳон рейтинги етакчиси Магнус Карлсен, шунингдек, Жавоҳир Синдаров ва Вайшали Рамешбабу каби сўнгги "Номзодлар турнири" ғолиблари ҳам бор.

Мукофот жамғармаси: 500 000 евро

Рапид ғолиби — 110 000 евро

Блиц ғолиби — 75 000 евро.

Ўзбекистон терма жамоаси Рустам Қосимжонов бошчилигида Нодирбек Абдусатторов, Жавоҳир Синдаров, Нодирбек Якуббоев ва бошқа шахматчилар билан иштирок этади.