Терма жамоамиз медаллар жамғариш бўйича 5 поғонага пастлади

Ўзбекистон терма жамоаси дзюдочиларимиз Диёрбек Ўрозбоев ва Ришод Собиров қўлга киритган иккита бронза медали билан умумжамоа ҳисобида 207 иштирокчи давлат орасида 33-ўринни эгаллаб турибди. Бир кун аввал биз 28-поғонадан жой олгандик.

Олимпиаданинг учинчи кунги баҳсларидан сўнг ҳамон АҚШ терма жамоаси медаллар жамғариш бўйича пешқадамликни ўз қўлида сақлаб турибди. Океан орти жамоаси жами 19та медални қўлга киритиб улгурди. Шулардан 5таси олтин, 9тадан кумуш ва бронза медалларидир.

Иккинчи ўриндаги Хитой терма жамоасида ҳам 5та олтин медал бор. Кумуш медаллар 3тани, бронза эса 5тани ташкил қилмоқда. Тўртта олтин ва 3та бронза медалига эга Австралия терма жамоаси кучли учликка якун ясаган.

Шу кунгача 20та давлат терма жамоалари камида бир нафар Олимпиада чемпионига эга бўлиб улгурди. Ўттиз иккита терма жамоада эса ҳисобида камида биттадан кумуш медал бор.