Терма жамоамиз медаллар жамғариш бўйича нечанчи ўринда?

Иккинчи бронза медали ҳам дзюдо мусобақасида қўлга киритилди. 66 кг вазн тоифасида татамига чиққан Ришод Собиров якунда бронза медали билан тақдирланди. Бу билан у олимпия ўйинларининг уч карра бронза медал соҳибига айланди.

Ундан аввал 60 кг вазн тоифасидаги дзюдочимиз Диёрбек Ўрозбоев ҳам бронза медалини қўлга киритганди. Кечаги кун баҳсларида сўнг медаллар жамғариш бўйича Ўзбекистон терма жамоаси 2та бронза медали билан умумжамоа ҳисобида 28-ўринни эгаллаб турибди.

Учта олтин, 5та кумуш, 4та бронза, жами 12та медалга эгалик қилиб турган АҚШ терма жамоаси биринчи ўриндан жой олган. Иккинчи ўриндаги Хитой терма жамоасида 3та олтин, 2та кумуш, 3та бронза медали бор. Учта олтин ва шунча бронза медалини қўлга киритган Австралия терма жамоаси кучли учликка якун ясаган.

Шу кунгача 17та терма жамоа камида бир Олимпиада чемпионига эга бўлиб улгурди. Йигирма еттита терма жамоа ҳисобида камида биттадан кумуш медал бор.