16 апр 10:59
Янгиликлар

Дзюдо

Термиз ОЗКда уч авлод учрашуви бўлиб ўтди ФОТОРЕПОРТАЖ

Хабарингиз бор, шу кунларда дзюдо бўйича миллий терма жамоамиз Сурхондарё вилояти маркази Термиз шаҳрида икки ҳафталик ўқув-машғулот йиғини ўтказяпти.

Йиғин доирасида Илиас Илиадис шогирдлари Термиз олимпия захиралари коллежида бўлиб, дзюдо бўлимида таҳсил олаётган ёшлар билан учрашишди. Ёш дзюдочилар учун Илиас Илиадис, Диёрбек Ўразбоев, Давлат Бобонов, Шарофиддин Лутфуллаев, Шарофиддин Болтабоев, Ҳикматуллоҳ Тўраев сингари таниқли акалари билан бевосита учрашиш ва уларнинг маҳоратидан баҳраманд бўлиш чинакам байрамга айланди.

Айниқса, улар Илиадис ва Бобоновнинг ўзаро спарринг-машғулот ўтказганини катта қизиқиш билан кузатиб боришди. Ёш дзюдочилар ўзларини қизиқтирган саволларга атрофлича жавоб олишди. Бу каби уч авлод вакиллари иштирокидаги учрашувлар ёшлар қалбида бир умрга муҳрланиб қолади.