19 ноя 11:24
Янгиликлар

Бокс/ММА

Тете бокс тарихидаги чемпионлик жангида энг тезкор ғалабага эришди

Шимолий Ирландиянинг Белфаст шаҳрида профессионал бокс кечаси ташкил этилди.

Оқшом доирасидаги марказий жангларнинг бирида тарихий воқеа қайд этилди. Енгил вазн (53,5 кг) тоифасида WBO йўналиши чемпиони ЖАР вакили Золани Тете (26-3, 21 КО) ҳамюрти Сибонисо Гонья (11-2, 5 КО)га қарши рингга кўтарилди.

Биринчи раунднинг 11-сониясида Тете рақибини техник нокаутга учратди. Гонья ўтказиб юборилган зарбадан сўнг ўрнидан туришга ўзида куч топа олмади. Тете чемпионлик жангидаги энг тезкор ғалаба қайд этиб, бокс тарихига кирди.