The Ring “Йилнинг энг яхшилари” бўлишга даъвогарларни эълон қилди (барча номзодлар)

Жумладан, “Йилнинг энг яхши боксчиси” номинациясида Сауль “Канело” Альварес, Тайсон Фьюри, Василий Ломаченко, Наойя Инуэ ва Александр Усикнинг исм-шарифи келтирилган.

Алекс Соседо – Ленни Заппавинья, Геннадий Головкин – Сауль Альварес (реванш), Жарретт Херд – Эрисланди Лара, Мурат Гассиев – Юниэль Дортикос ҳамда Срисакет Сор Рунгвисай – Хуан Франсиско Эстрада жанглари “Йил жанги” номинациясига даъвогар сифатида киритилган.  

“Йил нокаути” номинациясида Александр Усик – Тони Белью, Диллиан Уайт – Лукас Браун, Жермалл Чарло – Уго Сентено, Наойя Инуэ – Хуан Карлос Пайяно, Теофимо Лопес – Мейсон Менард жангидаги номлари биринчи бўлиб келтирилган боксчиларнинг нокаутлари қайд этилган. 

“Йил боксчиси” бўлиш учун Бен Дейвисон, Роберт Гарсия, Шинго Инуэ, Анатолий Ломаченко ва Эдди Рейносо даъвогар бўлиб турибди. 

Жорий 2018 йилги номинацияларнинг энг кўпида Тайсон Фьюрининг исм-шарифи келтирилган. Британиялик супероғир вазн тоифасидаги боксчи “Йил боксчиси”, “Йил қайтиши”, “Йил раунди” (Деонтей Уайлдерга қарши кечган жангдаги 12-раунд), “Йил воқейлиги” (Уайлдерга қарши жанг) каби номинацияларда энг яхши бўлишга даъвогарлик қиляпти.