30 июн 19:35
Янгиликлар
Теннис
Тимофеева ортиқча қийинчиликсиз "Уимблдон"нинг иккинчи даврасига чиқди
Асосий тўр баҳслари саралаш турниридаги ғалабалари эвазига етиб келган мамлакатимизнинг иккинчи ракеткаси Мария Тимофеева ҳам Уимблдон турнирининг иккинчи босқичига йўл олди.
У ҳозиргина якунига етган учрашувда бразилиялик Беатрис Хаддад Майяни ортиқча қийинчиликсиз мағлубиятга учратди - 6/3, 6/2. Бир соату 19 дақиқа давом этган баҳсда 2 та эйс зарбасини амалга ошириб, 2 та қўшхатога йўл қўйди. Эйс зарбасини ижро эта олмаган Беатрис эса 3 та қўшхато билан учрашувни якунлади.
Бу теннисчиларнинг ўзаро ўтказган иккинчи учрашуви бўлди. 2024 йилги Австралия Очиқ чемпионати доирасидаги баҳсда ҳам Мария бразилиялик рақибасини таслим этган эди. Тимофеева ҳозирда WTA рейтингида 95, Беатрис эса 134-ўринни эгаллаб турибди. Вакиламизнинг иккинчи даврадаги рақибаси кейинроқ маълум бўлади.
Ҳавола :
Манба : olamsport.com
Фикрлар