"Тизза – муаммо эмас!": Камару Усман мухлисларини тинчлантирди

Асли нигериялик аралаш яккакураш устаси UFC on ESPN 69 турнирининг асосий жангида рейтингнинг еттинчи поғонасида бораётган америкалик Хоакин Бакли билан ҳисоб-китоб қилади. Усман мухлисларига мурожаат қилиб, тиззаси билан боғлиқ жароҳат безовта қилмаётганини, бундан хотиржам бўлишлари мумкинлигини айтган. 

"Менда ҳаммаси жойида, ҳавотирга ўрин йўқ. Ҳа, чин сўзим. UFC`даги биринчи жангимда мен деярли ишламайдиган оёқ билан октагонга чиққанман. Ўшанда операциядан кейин кўп ўтмай жанг қилишимга тўғри келганди. Шифокорлар саккиз ой муҳлат беришганди, мен эса тўрт ойдан кейиноқ жанг ўтказганман. Жароҳатланган оёқ билан ҳам кўпчиликнинг маззасини қочирганман. Қўяверинг, одамлар гапираверсин. Шанба оқшомида (бизда якшанба тонги) у менга, мен эса унга зарба бераман – кўрамиз бу дуэлда ким ғалаба қозонар экан", - дея нигерияликнинг сўзларини келтиради MMA Fighting.