Тожикистон U-20 Тошкентда ўтадиган Осиё чемпионати саралашига тайёргарликни якунлади

Тожикистон ёшлар терма жамоаси Тошкентга келишдан аввал Хўжандда Афғонистон билан иккита ўртоқлик учрашувини ўтказди ва иккаласида ютқазди. Бу ҳақда Тожикистон футбол Федерацияси хабар берди.
 
Саралаш баҳслари 1-4 декабрь кунлари Тошкентда ўтказилади. 29 ноябрь куни Тожикистон U-20 терма жамоаси Тошкентга йўл олади. Тожикистон ёшлари Қирғизистон ва Ўзбекистон билан бир гуруҳда кураш олиб боради. Бошқа гуруҳда Эрон, Афғонистон ва Туркманистон ўйнайди.
 
2019 йилги Осиё чемпионатига Марказий Осиёдан учта жамоа йўлланмага эга чиқади. Икки гуруҳда биринчи ўринни олган жамоалар. Учинчи йўлланма гуруҳда иккинчи ўринни олган жамоалар ўртасидаги плей-офф ғолибига насиб қилади.

Ўртоқлик учрашувлари
Тожикистон (U-20) – Афғонистон (U-20) – 1:3
Тожикистон гол: Рабиджон Рабиев.

Тожикистон (U-20) – Афғонистон (U-20) – 1:7
Тожикистон гол: Насим Шарипов.