15 дек 15:57
Янгиликлар

Бокс/ММА

Том Аспиналл Нганну билан жанг қилишга тайёр

UFC’нинг оғир вазн тоифасидаги амалдаги чемпиони Том Аспиналл ушбу камарнинг собиқ соҳиби Фрэнсис Нганну билан бокс қоидалари асосида жанг ўтказишга тайёр эканини маълум қилди.

Камерунлик аралаш яккакураш устаси ҳозирда PFL жангчиси ҳисобланади.

"Бокс бўйича жаҳон чемпионлиги унвонини қўлга киритиш учун ҳаракат қилмайман. 33 ёшимда бу нарсага эришаман деб ўйлашимнинг ўзи ҳақиқатга тўғри келмайди. Бир-иккита кўргазмали жанглар ўтказишим мумкин. Бу борада МMA жангчисига қарши рингга чиқишга қарши эмасман. Менимча, Нганну мен учун зўр вариант бўларди. Аммо аввал UFC’да жанг ўтказишим керак", - дея Аспиналлнинг сўзларини келтиради Х ижтимоий тармоғидаги Championship Rounds аккаунти.