Том Шварц: Мен фақат чемпионлик камари ҳақида ўйлаяпман

Ушбу жанг АҚШнинг Невада штати Лас-Вегас шаҳрида бўлиб ўтади. Германиялик 25 ёшли боксчи фаолиятидаги энг муҳим жанг олдидан ташкил этилган матбуот анжуманида ўз фикрлари билан ўртоқлашди. 

“Ўйлашимча, Тайсон Фьюри дунёнинг энг яхши боксчиси. Ҳеч ким Фьюриники каби жанг олиб бориш услубига эга эмас. Шу сабабли ҳам жангга тайёрланиш осон кечмади. Профессионал боксга 18 ёшимда ўтдим. Унгача ҳаваскор боксда яхши натижага эришдим - 41-9-3. 

15 июнь куни орзуларимдан бири ушалади. Ҳар бир боксчининг орзуси Лас-Вегасда жанг қилиш, мен эртага ниятимга етаман. Ҳозиргача 24та жангда ғолиб чиқдим. Йигирма бешинчи ғалаба Фьюрига қарши жангда қайд этилади. Олий орзуим эса жаҳон чемпиони бўлиш. Бунга ҳам оз фурсат қолди”, - дея Шварцнинг сўзларидан иқтибос келтирмоқда ESPN.