Топурия — бокс ҳақида: "Аввало ММАдаги тарихимни якунламоқчиман"

UFC енгил вазн чемпиони Илия Топурия бир вақтнинг ўзида бокс ва ММАда иштирок этмаслигини маълум қилди.

"Ҳеч кимга сир эмас, мен доимо боксда ўзимни синаб кўришни истаганман. Аммо ҳаётда ҳамиша амал қилган қоидам бор: агар икки қўённи қувсангиз, охир-оқибат бирортасини ҳам тута олмайсиз. Аввало аралаш яккакурашлардаги тарихимни якунлаб, кейин тўлиқ боксга эътибор қаратмоқчиман. ММА жангга тайёрланиб, кейин боксга ўтиб кетишим мумкин эмас. Бу жуда профессионалона бўлмасди, тўғрими?

Бокс бутунлай бошқача ёндашув ва тайёргарликни талаб қилади, мен эса унга мослашишим керак. У ерда раундлар давомийлиги ҳам, ҳатто жанг майдони шакли ҳам бошқача. Буларнинг барчасига кўникиш учун вақт керак. ММАда узоқ қоламан, деб ўйламайман. Рингда кўпчиликни ҳайратда қолдиришни режалаштиряпман", — деди Топурия.