Тўрт нафар эркин курашчимиз жаҳон чемпионати шоҳсупасида + ФОТОГАЛЕРЕЯ

Финалга етиб келган икки нафар эркин курашчимиз рақибларига имкониятни бой бериб, жаҳон чемпионатининг кумуш медали билан тақдирланишди. Жаҳонгир Тўлқунов (-55 кг) колумбиялик Жованни Товарга 0:11, Шоҳиддин Алиев (-65 кг) эса россиялик Магомед Ибрагимовга 6:12 ҳисобида имкониятни бой бериб қўйди. 

Бронза медали учун кечган беллашувларда эса Фарруҳ Маҳмудов (-48 кг) тожикистонлик Муслиҳиддин Ҳожиевни 12:0, Беҳруз Аширов (-110 кг) грузиялик Муртаз Багдавадзени 3:2 ҳисобида доғда қолдирди. 

Шу тариқа, эркин курашчиларимиз 2 та кумуш ва 2 та бронза медалига сазовор бўлишди. Бугун қолган вазн тоифаларида финал беллашувлари ўтказилади. Лекин бугунги баҳсларда бизникилардан ҳеч ким финалда курашмайди. Бронза медали йўлидаги беллашувларда ҳамюртларимизни кўришимиз мумкин.