Тўртта жангидан учтасида ютқазган UFC жангчиси ташкилотдан ҳайдалди

Андреас сўнгги жангини ўтган якшанба тонгида UFC Вегас 56 турнири доирасида промоушен дебютанти, россиялик Ринат Фахретдиновга қарши ўтказиб, рақибига очколар ҳисобига кўра имкониятни бой бериб қўйган эди. 

Фахретдинов 20-жангидаги 19-ғалабасини тантана қилган бўлса, Михайлидис фаолиятидаги 19-жангида 6-мағлубиятини қарши олди. Андреас UFC`даги дебютини 2020 йилнинг июль ойида ўтказиб, Модестас Букаускасга ютқазиб қўйганди. Шундан кейин грециялик жангчи Кей-Би Булларни таслим этди, Алекс Перейрадан эса енгилди. 

Маълумот учун, UFC промоушенидаги ҳамюртимиз Зарруҳ Алашев ҳам 4 та жангдан 3 тасида мағлубият аламини тотиб кўрган. Райан Бенойтни мағлубиятга учратган бўлса, Тайсон Нэм, Су Мудаержи ва Оди Осборнга ютқазиб қўйганди.