13 окт 10:46
Янгиликлар

Теннис

Тошкент “Челленжер”. Бироздан сўнг финал бошланади

Бугун пойтахтимизда ўтказилаётган теннис бўйича “Челленжер” туркумига кирувчи турнир якунланади.

Соврин жамғармаси 75 000 АҚШ долларини ташкил қилувчи ушбу турнирнинг бугун сўнгги учрашуви ўтказилади. Соат 11:00да бошланадиган яккалик баҳсларида чемпион номи маълум бўлади. Бош соврин учун канадалик Феликс Алиассим Ожье ҳамда польшалик Камиль Майржак кортга чиқишади.

Маълумот учун, кечаги ярим финал учрашувида 18 ёшли Ожье беларуслик Егор Герасимовни 6:4, 7:6(4), Майржак эса германиялик Тобиас Камкени мағлубиятга учратганди.

Саралаш баҳслари орқали асосий тўрга етиб келган канадалик теннисчи ATP рейтингида 128, Майржак эса 178-ўринни эгаллаб турибди. Теннисчилар шу кунгача бир маротаба тўқнаш келишган ва унда Феликс ғалаба қозонган.