Тошкент “Челленжер”. Бугун чорак финаллар, Истомин канадалик рақибга қарши

Соврин жамғармаси 75 000 АҚШ долларини ташкил қилувчи ушбу турнирда бугун чорак финал учрашувлари ўтказилади. Мамлакатимизнинг биринчи ракеткаси, турнирда иккинчи рақам остида ҳаракат қилаётган Денис Истомин бугун ярим финал чиптаси учун кортга чиқади. 

Унинг рақиби канадалик Феликс Алиассим Ожье бўлади. Айни пайтда Денис ATP рейтингида 87, Ожье эса 128-ўринни эгаллаб турибди. Истомин - Ожье учрашуви соат 12:30да бошланади. Теннисчилар шу кунгача ўзаро тўқнаш келишмаган. Бугун уларнинг илк учрашуви бўлади. 

Чорак финал жуфтликлари:

Егорь Герасимов (Беларусь) - Маттиас Бурк (Франция)

Евгений Карловский (Россия) - Тоббиас Камке (Германия)

Феликс Алиассим Ожье (Канада) - Денис Истомин (Ўзбекистон, 2)

Мирза Башич (Босния, 1) - Камиль Майржак (Польша)