11 окт 10:44
Янгиликлар

Тошкент “Челленжер”. Файзиев ва Каримов бугун финал чиптаси учун кортга чиқишади

Пойтахтимизда ўтказилаётган теннис бўйича “Челленжер” туркумига кирувчи турнир ўзининг қизғин палласига кирди.

Соврин жамғармаси 75 000 АҚШ долларини ташкил қилувчи ушбу турнирнинг жуфтлик баҳсларида бугун ярим финал учрашувлари ўтказилади. Жўрабек Каримов ва Санжар Файзиевдан иборат ўзбекистонлик теннисчилар ҳамкорлиги бугун ярим финал ўйинини ўтказади.

Уларнинг финал чиптаси учун кечадиган баҳсдаги рақиблари Т.С.Вайссборн/Л.Mаргороли жуфтлиги бўлади. Учрашувнинг бошланиши соат 15:30га белгиланган. Кеча Файзиев ва Каримов чорак финалда ҳиндистонлик Нараянасвами/Вардхан жуфтлигини 7:6, 7:6 ҳисобида мағлуб этишган эди.