21 сен 12:42
Янгиликлар

Дзюдо

Тошкент Гран-приси. Болтабоев ва Собиров ҳам кейинги босқичда

Дзюдо бўйича Тошкент Гран-присининг иккинчи кунги баҳслари ўзининг қизғин палласига кириб бормоқда.

-81 кг вазн тоифасида татамига чиқаётган ҳамюртларимиз Мусо Собиров ва Шарофиддин Болтабоев рақибларидан устун келиб, учинчи босқич йўлланмасини қўлга киритишди.

Баҳсларни иккинчи даврадан бошлаган Собиров венгриялик Атилла Унгварини таслим этди. Бироздан сўнг у чорак финал чиптаси учун молдовалик Дорин Готоноагага қарши баҳс олиб боради.

Шарофиддин Болтабоев эса хитойлик Ригаки Наидан устун келди. Болтабоевнинг учинчи босқичдаги рақиби британиялик Стаюрт Макватт бўлади.