Тошкент Гран-приси "Ҳумо Арена"да ўтказилади

Катта эҳтимол билан бу йилга баҳсларга шу йили фойдаланишга топширилган кўп тармоқли "Ҳумо" аренаси мезбонлик қилади. Шу пайтгача Гран-при турнири “Ўзбекистон” спорт мажмуасида ўтказилган эди. 

Куни кеча Халқаро дзюдо федерацияси (IJF) вакиллари янги аренани кўздан кечириш ва халқаро стандартларга жавоб бериш даражасини баҳолаш мақсадида Тошкентга ташриф буюришди. 

IJF мусобақа менежерлари Лиса Аллан, Турал Алиев ва ҳамюртимиз Абдулло Мурадовдан иборат ишчи гуруҳ “Ҳумо” аренанинг Гран-прига мезбонлик қилиш борасидаги имкониятларини юқори баҳолашди ва мусобақани ўтказишга муносиб деб топишди. 

Шу куннинг ўзида ишчи гуруҳ Ўзбекистон Миллий Паралимпия ассоциацияда ҳам бўлишди. Томонлар Гран-придан сўнг, аниқроғи 23-24 сентябрь кунлари ўтказиладиган парадзюдо бўйича IBSA кубоги масаласида ҳам гаплашиб олишди.