Тошкент Гран-присини ёритиш истагида бўлган ОАВ диққатига!

Шу кунлари кўп тармоқли “Ҳумо Арена”да дзюдо бўйича Тошкент Гран-приси бўлиб ўтади. Дунёнинг 70 га яқин давлатидан сара полвонлар иштирок этадиган мусобақага тайёргарлик ишлари якунига етказилди. 

Бугун соат 11:00да Ўзбекистон миллий олимпия қўмитасида оммавий ахборот воситалари ходимлари учун матбуот анжумани ташкил этилади. МОҚ президенти Рустам Шоабдураҳмонов иштирок этадиган тадбирда 23-24 сентябрь кунлари айнан “Ҳумо Арена”да ўтказилувчи парадзюдо бўйича Тошкент Гран-приси юзасидан саволларга ҳам жавоб олишингиз мумкин. 

Бундан ташқари, бугун, 19 сентябрь куни Wyndham Tashkent меҳмонхонасида мусобақага қуръа ташлаш ва вазн ўлчаш маросими ўтказилади. Шунингдек, оммавий ахборот воситалари ходимлари учун матбуот анжумани ҳам ташкил этилади. Матбуот анжумани олдидан ОАВ ходимларига тегишли акредитациялар топширилади. 

Ўзбекистон дзюдо федерацияси матбуот хизмати