28 фев 13:21
Янгиликлар

Дзюдо

Тошкент “Катта Дубулға” турнири иштирокчиларининг ташрифи бошланди + ФОТОРЕПОРТАЖ

Хабарингиз бор, 3-5-март кунлари пойтахтимиздаги "Юнусобод" спорт мажмуасида дзюдо бўйича “Катта Дубулға” туркумига кирувчи турнир бўлиб ўтади.

Мукофот жамғармаси 154 000 еврони ташкил этувчи нуфузли мусобақа иштирокчилари ҳамда расмийларининг юртимизга ташрифи давом этмоқда.

Бироз аввал Хитой, Хитой Таипейи, Туркманистон терма жамоалари делегациялари ҳамда Халқаро дзюдо федерацияси вакиллари Ислом Каримов номидаги Тошкент халқаро аэропортида кутиб олинди.

Маълумот учун, турнирда дунёнинг 5 қитъаси 51 давлатидан жами 378 (200 эркак, 178 аёл) нафар дзюдочи 14 та вазн тоифасида мусобақа медаллари ҳамда Париж-2024 Олимпия ўйинларига қимматли рейтинг очколари учун татамига чиқади.