21 фев 11:34
Янгиликлар

Дзюдо

Тошкент "Катта Дубулға" турниридаги иштирокини расман тасдиқлаган давлатлар сони 45 тага етди

Хабарингиз бор, 3-5 март кунлари пойтахтимиз яна катта дзюдо байрамига мезбонлик қилади.

Уч кун давомида дунёнинг кўзга кўринган дзюдочилари умумий мукофот жамғармаси 154 000 еврони ташкил эоувчи Тошкент "Катта Дубулға" мусобақаси медаллари ҳамда Париж-2024 Олимпиадаси йўлидаги қимматли рейтинг очколари учун татамига чиқадилар.

Айни шу сонияларга келиб, Ўзбекистонга келиш истагини расман тасдиқлаган давлатлар сони 45 тага етди. Сайёрамизнинг 5 қитъаси 45 давлатидан жами 286 (150 эркак, 136 аёл) нафар дзюдочи Халқаро дзюдо федерацияси (IJF) расмий сайтида рўйхатдан ўтказилган.

Иштирокчи давлатлар орасида Озарбайжон, Грузия, Франция, Канада, Куба, Хорватия, Германия, Буюк Британия, Италия, Қозоғистон, Португалия, Испания, Украина, Жанубий Корея сингари дзюдоси ривожланган мамлакатлар бор.