02 мар 10:12
Янгиликлар

Дзюдо

Тошкент "Катта Дубулға" турнирининг биринчи кунидан сўнг умумжамоа ҳисобида иккинчимиз + ЖАДВАЛ

Пойтахтимиздаги "Ҳумо Арена" мезбонлигида ўтаётган дзюдо бўйича "Катта Дубулға" туркумига кирувчи нуфузли турнирда медаллар жамғариш бўйича Франция терма жамоаси етакчилик қилмоқда.

Бўлажак Олимпиада мезбонлари мусобақанинг биринчи куни 2 та олтин ва 1 та бронза медалини қўлга киритишди. Иккала тиллани ҳам терма жамоага франциялик аёл дзюдочилар тақдим этишган. Амандин Бушар ва Присилла Гнето шарафига "Ҳумо Арена"да Франция мадҳияси икки бор янгради.

Иккинчи ўриндан Ўзбекистон терма жамоаси 1 та олтин ва 1 та кумуш медаль билан жой олган. Қашқадарёлик Достон Рўзиев -60 кг вазн тоифасида тенгсиз бўлди, турнир кашфиётига айланган Гулҳаё Жўраева финалга қадар мағлубиятсиз етиб бориб, фаолиятида илк бор кумуш медалга сазовор бўлди.

Кучли учликка Тожикистон терма жамоаси якун ясаб берган. Кеча Нурали Эмомали -66 кг вазнда чемпионлик шоҳсупасига кўтарилди.