19 мар 12:58
Янгиликлар

Бокс/ММА, Осиё ўйинлари

Тошкент Осиё ўйинларига саралаш вазифасини бажарадиган қитъа биринчилигига мезбонлик қилади

Бу ҳақда Осиё Олимпия кенгаши хабар берди.

Маълум бўлишича, 18-24 май кунлари пойтахтимизда ММА бўйича Осиё чемпионатлари ўтказилади.

18-20 май кунлари ёшлар ўртасида, 22-24 май саналарида эса катталар ўртасидаги қитъа биринчиликлари ташкил этилади.

Аҳамиятлиси, катталар ўртасидаги IV Осиё чемпионати шу йилнинг октябрь ойида Япониянинг Аичи ва Нагоя шаҳарлари мезбонлик қиладиган ёзги Осиё ўйинлари ҳамда шу йил Ар-Риёд (Саудия Арабистони) шаҳрида ўтказиладиган Ёпиқ иншоотлардаги жанг санъатлари ўйинларига саралаш вазифасини бажаради.